Anogwr Bugeiliol

Crëwyd Coleg Sir Gâr yn 1985 a daeth yn sefydliad corfforaethol yn 1993. Yn 2013 cafodd ei wneud yn gwmni sef Coleg Sir Gâr Cyf, o fewn Grŵp Prifysgol Cymru: Y Drindod Dewi Sant, a rhan o Brifysgol Sector Deuol ranbarthol. Mae gan y Coleg drosiant blynyddol o dros £35m ac mae'n cyflogi tua 800 o staff.

Crëwyd Coleg Ceredigion ym 1985 a daeth yn sefydliad corfforaethol ym 1993. Unodd y coleg â Phrifysgol Cymru: y Drindod Dewi Sant fel is-gwmni yn 2014.  Mae gan y coleg drosiant blynyddol o dros £6m ac mae'n cyflogi tua 180 o staff.

Lleolir y Coleg yn Ne-orllewin Cymru ac mae ganddo saith prif gampws yn Llanelli (Y Graig), Caerfyrddin (Pibwrlwyd a Ffynnon Job), Rhydaman, Llandeilo (Y Gelli Aur), Aberteifi a Aberystwyth. Mae'r Coleg hefyd yn gartref i Ysgol Gelf Caerfyrddin, sydd â'i gwreiddiau'n dyddio nôl i 1854.

Ysbrydoli Dysgwyr
Cyflawni Potensial
Ennill Rhagoriaeth

Cydraddoldeb ac Amrywiaeth
Yng Ngholeg Sir Gâr a Choleg Ceredigion, rydym yn ysbrydoli dysgwyr i gyflawni potensial ac ennill rhagoriaeth. I wneud hyn, mae angen y gweithwyr gorau arnom i barhau â’n diwylliant o barch, undod a phroffesiynoldeb.Rydym yn falch o fod yn Gyflogwr Cyfle Cyfartal ac felly’n croesawu ceisiadau o bob cefndir ac ardal o’r gymuned i’r coleg.

Ewch i'n tudalen bwrpasol i ddarganfod mwy

Hyderus o ran Anabledd
Mae Coleg Sir Gâr a Choleg Ceredigion yn falch o fod yn gyflogwr hyderus o ran anabledd ymroddedig. O ganlyniad, rydym yn sicrhau bod ein proses recriwtio yn gwbl gynhwysol ac yn hygyrch i bawb, yn cyfathrebu ac yn hyrwyddo pob cyfle, yn rhagweld ac yn darparu addasiadau rhesymol, yn cefnogi gweithwyr presennol sy’n datblygu anabledd neu gyflwr iechyd hirdymor i aros yn y gwaith, ac yn cynnig cyfweliad i bobl anabl sy’n bodloni gofynion hanfodol y swydd.