Abbie Hudson

 Rwy’n Swyddog Cynorthwyol Adnoddau Dynol, ac rwy’n darparu cymorth ac yn cyfrannu at amrywiol agweddau ar waith yr Adran Adnoddau Dynol, gan gynnwys denu a recriwtio talent, llesiant a Chydraddoldeb, Amrywiaeth a Chynhwysiant (EDI), yn ogystal â datblygiad a hyfforddiant staff. Rwyf wrth fy modd yn cael y cyfle i ymweld â phob un o’n saith campws a rhyngweithio â’n staff gwych. Mae’n rôl gyffrous a gwerth chweil sy’n cynnwys nifer o gamau yn nhaith cyflogai, o ddenu ymgeiswyr brwdfrydig ac arloesol i groesawu a sefydlu aelodau newydd o staff wrth iddynt ddechrau ar eu taith yn y Coleg. 

Mae’r Coleg wedi fy nghefnogi ar hyd fy nhaith yrfaol ers y diwrnod cyntaf, gan gynnig cyfleoedd i mi ddatblygu fy sgiliau a’m gwybodaeth, megis astudio ar gyfer Tystysgrif Sylfaen CIPD mewn Ymarfer Pobl. Teimlaf fod y Coleg yn buddsoddi yn fy natblygiad proffesiynol ac yn fy nghefnogi i gyflawni fy nodau.

Mae gan bob campws ei liw unigryw ei hun, ac mae’n bleser ymweld â phob un ohonynt, cyfarfod â staff o bob cefndir a gweld y gwaith eithriadol sy’n cael ei wneud i sicrhau llwyddiant ein dysgwyr.

Mae cyfweliadau yn stryd ddwyffordd! Maent yn gyfle i chi ganfod a yw Coleg Sir Gâr a Choleg Ceredigion yn addas i chi, nid cyfle i ni yn unig ddod i’ch adnabod chi. Peidiwch â bod ofn gofyn cymaint o gwestiynau ag sydd eu hangen arnoch; byddem yn fwy na pharod i sgwrsio am y Coleg a’r hyn sydd gennym i’w gynnig.

Paratoi yw’r allwedd; gwnewch eich ymchwil ymlaen llaw a sicrhewch fod eich cwestiynau’n barod cyn y diwrnod, a bydd gennych sylfaen gadarn ar gyfer eich cyfweliad.