Louis Dare

Ymunais â Choleg Sir Gâr yn 2004 ac rwyf wedi mwynhau’n fawr y 19 mlynedd, sydd wedi cynnwys ystod eang o rolau a chyfrifoldebau.   Fy mrwdfrydedd yw cyflogadwyedd a'r effaith y mae hyn yn ei gael ar ein cymuned leol. Yn fy rôl bresennol fel Rheolwr Arloesi ac e-Ddysgu, rwy’n gyfrifol am nifer o brosiectau a chontractau sy'n cefnogi dysgwyr sy’n oedolion yn ôl i mewn i’r gwaith, neu'n cefnogi dysgwyr sy’n oedolion i symud ymlaen yn eu gyrfaoedd presennol.

Yn ogystal â fy rôl fel Rheolwr Arloesi ac e-Ddysgu, rwyf hefyd yn aelod o fwrdd llywodraethwyr y coleg ac yn falch o fod yn ymddiriedolwr y sefydliad, sy’n elusen gofrestredig. 

Ers i mi ymuno â'r coleg, rwyf wedi ymwneud â nifer o rolau gwych sydd wedi fy arwain o fod yn Diwtor TG, a gefnogodd dysgwyr sy’n oedolion i ddefnyddio cyfrifiadur am y tro cyntaf, i ble rwyf i heddiw.  Rwyf wedi cael cefnogaeth lawn i ddatblygu fy hun ac roeddwn yn ffodus i gwblhau MA mewn Addysg o gwmpas fy rôl o ddydd i ddydd.

Rwyf wedi cael fy nghefnogi’n llawn i hybu fy mrwdfrydedd drwy fynd â’r coleg i mewn i nifer o feysydd addysg newydd er mwyn sicrhau prosiectau a chontractau newydd o fewn cyflogadwyedd a dysgu oedolion.  Mae cefnogaeth ac ymddiriedaeth o'r fath yn sail i ddiwylliant Coleg Sir Gâr a Choleg Ceredigion. 

Fel y soniais, rwy'n frwd iawn dros ddatblygu gweithlu ein cymuned leol.  Y tu allan i’r gwaith, mae fy niddordebau'n cynnwys cefnogi twristiaeth leol, sydd yn ei dro yn bwydo'n ôl i greu a datblygu swyddi.  Yn y coleg, rwyf bob amser yn edrych i ehangu a datblygu mentrau newydd sy’n cefnogi’r farchnad lafur a’r economi leol ac felly, os ydych yn chwilio am rôl gyffrous mewn adran amrywiol byddwn wrth fy modd yn clywed gennych.